ku selteneta dunyayî, bi kêrî Alê Beytê nayê; ew wê wezîfeya eslî ya ku hifza dîn û xizmeta Îslamê ye, bi wan dide jibîrankirin. Hal ku hal e dema ku terka seltenetê kirine, bi awayekî muhteşem û mezin, ji Îslam û Qur-anê re xizmet kirine.

   Ha, binihêre, ew qutbên ku ji nesla Hezretî Hesen hatine, xusûsî Eqtabê Erbe’e û nemaze Şêx Ebdulqadirê Geylanî ku Xewsê E’zem e û îmamên ku ji nesla Hezretî Huseyin tên, xasima Zeynel’abidîn û Caferê Sadiq ku her yek jê, ketine hukmê mehdiyekî me’newî; zulm û zulûmata me’newî ji hev belawela kirine û nûrên Qur-anî û heqîqetên îmanî neşir kirine. Nîşan dane ku her yek jê, warisekî Ceddê emcedên xwe ne.

   Eger were gotin: Hikmet û wechê (aliyê/rûyê) rehmetî ya wê fitneya xwînî ya bidehşet ku hat serê Îslama mubarek û  esra seadeta nûranî çi ye?

   Bersiva Wê: Çawan ku di biharê de, firtûneyeke (bahozeke) bibaran, qabiliyeta her cûre nebat û toxim (tov) û daran dixe tevgerê(tehrîk) dike, dide înkişafkirin; her yek ji wan kulîlka xasê bi xwe vedike, her yek ji wan diçe ser wezîfeyeke fitrî, wisan jî, fitneya ku tê serê sehabî û tabiînan, qabiliyetên muxtelif ên cihê cihê ku di hukmê dendikan de ne, xist hereketê û qemçî kir û mîna ku bibêje: “Îslamiyet, di tehlûkeyê de ye, şewat heye!” û ew tirsand, ji bo parastina Îslamê da bezandin. Her yekê, li gor qabiliyeta xwe, wezîfeyeke ji wezîfeyên bikesret û muxtelîf ên camîaya Îslamê hilda milê xwe, bi awayekî têrbaşî xebitî. Qismek ji wan ket bin muhefezekirina hedîsan, qismek jê ket bin muhefezekirina şerîetê, qismek jê ket bin muhefezekirina heqîqetên îmanî, qismek jê ket ber muhefezeya Qur-anê û wehakî, her taîfeyek ket bin barê xizmetekê. Di wezîfeyên Îslamê de, bi awayekî gurûgeşî xebitîn. Di rengên muxtelîf de, gelek kulîlk vebûn. Li eqtarên alema Îslamê ku zaf fireh e, bi wê bahozê gelek toxim hatin avêtin, nîvê erdê li gulistanê wergerand. Mixabin di nav wan gul û wê gulistanê de, diriyên firqeyên ehlê bid’eyê jî derketin.

   Mîna ku destê qudretê, bi celalî ew esir li hev çelqiland, bi awayekî şedîdî ew tehrîk kir û li hev wergerand, kir ku xîret were ehlê himmetê û sor kir(bi elektrîk kir). Bi quwweyeke ‘enilmerkezî ku ji wê hereketê dihat, gelek zêde muctehîdên munewwer