Bi neqla sehîh û bi dereceyeke mutewatir ji me re hatiye wasilkirin ku Resûlê Ekrem Eleyhisselatu Wesselam, li ser minberê, li nav cemaeta sehabiyan ferman kiriye ku:
اِبْنِى حَسَنٌ هٰذَا سَيِّدٌ سَيُصْلِحُ اللّٰهُ بِهِ بَيْنَ فِئَتَيْنِ عَظِيمَتَيْنِ
Va ye, piştî çil salî, du artêşên herî mezin ên Îslamê, gava hatin hemberî hev, Hezretî Hesen Rediyellahu Enh, bi Hezretî Muawiye re sulh kiriye û mû’cîzeya xeybî ya ceddê xwe yê emced tesdîq kiriye.
A duduyan: Bi neqla sehîh ji Hezretî Elî re gotiye:
سَتُقَاتِلُ النَّاكِثِينَ وَالْقَاسِطِينَ وَالْمَارِقِينَ
Hem ji bûyera cemel hem ji bûyera siffînê hem ji bûyera xewaric agahî daye.
Hem Hezretî Elî (r.e.) rojekê gava bi Hezretî Zubeyir şa dibe, got: “Ev dê li hember te bikeve herbê; lê belê neheq e.” 1
Hem ji ezwacê tahirat re gotiye: “Yek ji we, dê bikeve serê fitneyeke muhîm û dê li dor wê, gelek bên qetilkirin.”
وَتَنْبَحُ عَلَيْهَا كِلاَبُ الْحَوْأَبِ
Va ye, ev hedîsên sehîh, qet’î, gava piştî çil salî Hezretî Elî li hember Hezretî Aîşe û Zubeyir û Telhe, di waqieya(bûyera) Cemelê de.. û li hember Muawiye li Siffînê.. û li hember Xewarican li Harewrayê û Nehrûwanê dikeve herbê, tesdîqeke fiîlî ye ji wan îxbarên xeybî re.
Hem ji Hezretî Elî re îxbara “Dê mirovekî riyê te bi xwîna serê te şil bike.” 2 daye; Hezretî Elî ew mirov nas dikiriye; ew jî Ebdurrehman Ibnî Mulcem-ul Xaricî ye.
Hem mirovekî nava Xariciyan ku jê re Zussedye digotin, bi nîşaneke xerîb, weke elamet agahî daye ku di nav kuştiyên xewarican de, ew zilam hebûye.
