ÎŞARETA SISÊYAN A BINUKTE: Mucîzeyên Resûlê Ekrem Eleyhisselatu Wesselam, gelek cûre cûre ne. Ji ber ku Rîsaleta Wî umûmî(giştî) ye, hema ji piraniya new’ên kaînatê, her yek jê mezherî mucîzeyan in. Çawan ku yawerekî ekrem ê padîşahekî zîşan, bi xelatên(diyariyên) cûre bi cûre(rengo rengo) gava were bajarekî ku ciyê kombûna qewmên cûre bi cûre ye, her taîfe, ji îstîqbala Wî re nûnerekî dişîne; bi zimanê taîfeya xwe jê re “Xweş amedî/ Bi xêr hatî” dike, jê re li çepikan dide. Wisan jî Resûlê Ekrem Eleyhîsselatu Wesselam ku yawerê herî mezin ê sultanê ezel û ebedê ye, gava teşrîf kir hat ‘alemê û ji ne’ê beşerî ku ehaliyê kûreya erdê ye re weke meb’ûs hat û ji aliyê Xaliqê temamê kaînatê ve, wan nûrên heqîqet û diyariyên me’newî ku kaînat gişt li hember hemû heqîqetan eleqedar e anî, ji kevir, av, dar, heywan, mirovan bigre.. heta heyv, roj û stêrkan her taîfeyî, bi zimanê xwe yê xusûsî ku di her destên xwe de mucîzeyeke wî hilgirtine, ji nubuwweta Wî re li çepikan daye û gotiye bi xêr hatî.
A niha, ji bo ku behsa wan hemû mucîzeyan were kirin, divê bi cildan nivîs bêne nivîsandin. Muheqqîqînê Esfiya, li ser tefsîlên delîlên nubuwwetê, gelek cild nivîsandine. Em dê, tenê bi çend îşaretên îcmalî, îşaretî wan cûreyên kullî yên wan mucîzeyên ku bi awayekî qet’î û me’newî hatine rîwayetkirin bikin.
Ha, delîlên nubuwweta Ehmedî (e.s.w.) serê pêşî du qism in:
Yek Jê, ew halên nuwaze ne ku berî nubuwwetê û di weqtê weladeta wî de derketine ku jê re “Îrhasat” tê gotin.
Qismê duduyan, delîlên din ên nubuwwetê ne. Qismê diduyan jî du qism e. Yek jê: Ew nuwaze ne ku piştî Wî; lê belê ji bo tesdîqa nubuwweta Wî zuhur bûne. Qismê duduyan: Ew nuwaze ne ku di Esrê Seadetê de pê mezher bûye. Ev qismê duduyan jî du qism e: Yek jê: Ew delîlên nubuwwetê ne ku di zat, sîret, sûret, exlaq û kemala Wî de zahir bûne. Ê duduyan: Ew mucîze ne ku di tiştên afaqî, xaricî de pê mezher bûye. Ev qismê duduyan jî du qism e: Yek jê: Me’newî û Qur-anî ye. Yê din: Maddî û ekwanî ye. Ev qismê duduyan jî du qism e: Yek jê: Ew mucîzeyên nuwaze ne ku di hiyama Doza nubuwwetê de, ji bo ku rika ehlê kufrê bişkêne yan jî ji bo ku qewweta îmana ehlê îmanê zêde bike, hatine zuhûrê. Bîst cûreyên mîna şeqqa qemerê û ji tiliyên wî herikîna avê û bi teamê
