Mektûba Nozdehemîn
Ev rîsale, ji sê sedan zêde mucîzeyan beyan dike. Çawan ku mucîzeya Rîsaleta Ehmedî (e.s.w.) beyan dike, ew bi xwe jî kerameteke wê mucîzeyê ye. Bi sê-çar new’an (awayan) bûye newaze.
Ê Yekê: Tevî ku neqil û rîwayet e û digel ku zêdetirî sed rûpelî ye, wisan bêyî ku li kitêban mureceet were kirin, bi awayekî jiber, li quncikên çiya û rezan, di nav sê-çar rojan de, bi şertê ku her rojê du-sê saetan xebat were kirin, hemû di diwazde saetan de hat telîfkirin. Ev jî bûyereke newaze ye.
Ê Duduyan: Ev rîsale, digel ku dirêj e, ne nivîsandina wê mirovan dikerixîne ne jî xwendina wê helaweta(şîrînahiya) xwe wenda dike. Ew zexelên ku ehlê qelemê ne, wisan xist halan hewldanê ku di zemanekî diltengî û jihaldeketî de, li van deran, di nav salekê de, nêzî heftê nusxe hatin nivîsandin. Vê yekê jî qenaet da kesên muttalî ku ev jî, kerameteke wê mucîzeya rîsaletê ye.
Ê Sisêyan: Ew ku xişîm bû û haya wî ji tewafuqê tune bû û berî ku tewafuq li me aşkere bibe, di nusxeyên wî û nusxeyên heşt mustensixên din ku wan hev û din nedîtine de, kelîmeya lefzê Resûlê Ekrem Eleyhisselatu Wesselam, di hemû rîsaleyê de û lefzê Qur-anê, di parçeyê wê yê pêncan de, bi awayekî wisan tewafuq kirin, ji me re wer hat xuyakirin, yê ku bi qasî zerreyê xwedî însaf be, nade tesadufê. Kê dîtibe, qet’î (jibinî) hukum kiriye (dike) ku ev yek, razeke xeybî ye, kerameteke mucîzeya Ehmedî (e.s.w.) ye.
Asasên serê pêşî yên vê rîsaleyê gelek muhîm in. Hem hedîsên di vê rîsaleyê de, digel ku hema hemû ji aliyê eimmyên hedîsan ve meqbûl û sehîh in (jî), (ew), bûyerên (hedîseyên) herî qet’î yên rîsaletê beyan dikin. Eger pêdivî bi gotina meziyetên rîsaleyê hebe, ji ber ku berhemeke bi qasî wê rîsaleyê diviviya bihata nivîsandin, em ji wan kesên muştaq re dibêjin ku hûn careke din wê bixwînin. (HIŞYARÎ)
Seîdê Norsî
