meriv dikare bêje ku çapa Rîsaleyên bi Kurdî, sed heyf, pir derengî ketiye. Em bawer dikin sedemê vê yekê jî, di vê gotina Ustad de veşartiye ku di serê Munazaratê de û dawiya Dîwana Herba Urfî de, ji bo Kurdan û Kurdî, gotiye: “Qewmekî hêja û bêxwedî”.

   Lê dîsa jî em ji Xweda re şukurdar in û şad û şanaz in ku ev xizmeta ezîz û mezin, herî ewil bû nesîbê me û em evê dersa xezîneyên Quranê dighînin we ezîzan. Em dîsa hêvîdar û duadar in, her wuha ji bo bext û taliê xwe yê bêçare, alîkar û xebatkar in ku ev bêxwedîtî û ev bextreşî, ji holê rabe, ew mizgîniya ku Hezretî Ustad ji sed sal berê de daye, pêk bê û rewşek ezîz û azadane çêbe. Her wuha wergerên cildên Rîsaleyên din jî biqedin, bi îzna Xweda. Da ku wuhareng, eserên wan seîd û şehîd û ezîz ên berî me ku bi qenciyên xwe sax in, bi zimanê milletê wan, di destê ehlê qewmê wan de bigerin û ruhê wan jî, di qebra wan de şad bibe.     

   Ji me xebat û hereket, ji Xweda xêr û bereket.                                                                                                                            

Weşanxaneya Zehra