Kitaplar
Mektûbat

“Tişta te dîtî rast e, lê ne deryayeke rastî; belkî ev kaseya me ya şîr di xeyala te de bûye mîna deryayê; bilûr jî bûye mîna pirê û wekî wê...”

   Ev tête wê wateyê ku pêwist e, alema madî û alema rûhanî ji hev were cihêkirin. Eger tevlî hev bibin dê hikmê wê şaş were dîtin. Wek mînak, odeyeke te ya teng heye, lê çar neynikên mezin ên her çar dîwaran bigrin hatine deynan. Dema tu têkevî nava wê odeyê tu dê wê odeya teng bi qasî meydanekê fireh bibînî. Eger tu bibêjî: “Ez odeya xwe bi qasî meydanekê dibînim” tu rast dibêjî. Eger tu welê hukim bikî ku “odeya te bi qasî meydanekê fireh e” wê demê tu şaş î. Wê demê tu alema mîsalê tevlî alema heqîqî dikî.

   Va ye, teswîratên hin ehlê keşfê, yên di derbarê heft qat erdê de beyan kirine hene; ew teswîr ku bêyî deynin li ber pîvanên Kitêb û Sunetê gotine ji rewşa madî ya ji aliyê erdnîgariyê tenê ve pêk nayê. Wek mînak holê gotine: “Qateke erdê ya cin û ifrîtan e. Bi hezaran salan firehiya wê heye.” Lê bi rastî, di vê dinyaya me ya ku mirov dikare du salan de li derdora wê bigere de ew qatên ecêb bi cî nabin. Lê belê, eger em vê dinyaya xwe di alema manayê, di alema mîsalê, di alema berzex û ya erwahê de mîna dendikekê ferz bikin, wê demê ew dara mîsalî ya ji wê çêbibe û temessûl bike nisbet wê dendikê dê bi qasî dareke mezin ya çamê be. Va ye hin ehlê şuhûdê di seyrê ruhaniyên xwe de qatên erdê di alema mîsalê de gelek fireh, qonaxa hezaran salan dibînin.

   Tişta ku wan dîtine rast e. Bes ji ber ku alema mîsalê di şiklê xwe ve dişibe alema madiyê, her du aleman têkilî hev dibînin, welê şîrove dikin. Dema ku ji wê alemê vedigerin bo alema sehveyê (alema hişyariyê, alema me) tişta ku di wê alemê de dîtîne eynen nivîsandine, lê ji ber ku bêpîvan in loma wek nerast tên qebûlkirin. Wek çawa wicûda mîsalî ya qesreke mezin û boxçeyek mezin di neynikeke biçûk de cî digrin, eynen welê, di qonaxa saleke alema maddî de wicûda mîsalî û heqîqetên manewî yên hezaran salan fireh cî digrin.

   Dawî: Ji vê meseleyê tête fêhmê ku dereceya şuhûdê (dîtinê) ji dereceya îmana xeybê gelek xartir e. Ango, keşfên bêîhate yên hinek weliyên ku xwe dispêrin şuhûda xwe bi tene... belê ew keşfa wan ne ku şuhûda esfiya û muheqîqên ku ehlê weraseta pêxemberiyê ne, (ewan deynin aliyekî) nagihên ehkamên heqîqetên îmanê yên rast yên Qur’an û wehyê, yên xeybî, lê belê safî û bisînor. (serê bendê) 

Hata Bildirim Formu
Sayfalar
123456789101112131415161718192021222324252627282930313233343536373839404142434445464748495051525354555657585960616263646566676869707172737475767778798081828384858687888990919293949596979899100101102103104105106107108109110111112113114115116117118119120121122123124125126127128129130131132133134135136137138139140141142143144145146147148149150151152153154155156157158159160161162163164165166167168169170171172173174175176177178179180181182183184185186187188189190191192193194195196197198199200201202203204205206207208209210211212213214215216217218219220221222223224225226227228229230231232233234235236237238239240241242243244245246247248249250251252253254255256257258259260261262263264265266267268269270271272273274275276277278279280281282283284285286287288289290291292293294295296297298299300301302303304305306307308309310311312313314315316317318319320321322323324325326327328329330331332333334335336337338339340341342343344345346347348349350351352353354355356357358359360361362363364365366367368369370371372373374375376377378379380381382383384385386387388389390391392393394395396397398399400401402403404405406407408409410411412413414415416417418419420421422423424425426427428429430431432433434435436437438439440441442443444445446447448449450451452453454455456457458459460461462463464465466467468469470471472473474475476477478479480481482483484485486487488489490491492493494495496497498499500501502503504505506507508509510511512513514515516517518519520521522523524525526527528529530531532533534535536537538539540541542543544545546547548549550551552553554555556557558559560561562563564565566567568569570571572573574575576577578579580581582583584585586587588589590591592593594595596597598599
Fihrist
Lügat